Chaand ka Farmaan

Dedicated to Sherni

Souja raajdulari, teri palkon mein khushiyaan…
Kal naya savera hoga, ek nayi shuruwaat…
Phool khilega, roshan gulshan…
Dhoop choomegi chilman…

Andhkaar ki duniye se tu…
Chal padi hai door…
In yaadon ko bhool jayegi,
Dil tera majboor…

Kaun kahega tu hai wahi…
Jiske Honth the mere armaan,
Aankhon ki duniya mein rakhdi,
Maine apni jaan…

Yaad karoge jab tum mujhko,
Ek meethi muskaan,
Kuch pal ke aansu,
Kuch pal ki khushiyaan

Kuch pal ke moti,
Kuch pal ki bindiya
Kuch pal ki roshni
Kuch pal ke armaan

Yeh thi meri prem kahani,
Likh di kaagaz pe,

Padh ke hansna, aur yaad karna,
Ek khoye chaand ke farmaan
Ab tou bas ek raaj mehel mein
Padegi teri chaaya,

Kisi aur ki baahon mein tu,
Rachegi apni maaya…

Kaun kahega pyaar ki manzil
Pe tha tera naam,
Ab tou bas ek shaam ki manzil
Paimana aur jaam..

Jab kabhi raaaton ko uthna
Yaad karna woh naam,
Jab kabhi bhi teri yaadein,
Chal pade beeti raahon par

Yaad karna woh kuch haseen pal, woh raat, meri baahon mein, woh duniya mere naam par…

~ by aecoss on February 12, 2009.